3,5kW hleðslustöðin er með hitaskynjara í tveggja pinna klónni og því mun minni hætta á ofhitnun á veggtenglinum, eftir sem áður þá er það engin 100% lausn því flestir þessara tveggja pinna tengla sem eru hannaðir og framleiddir í Evrópu eru óttalegt drasl á góðri Íslensku!

Hér fyrir neðan er mynd af snúrunni milli tveggja pinna klóarinnar og farstöðvarinnar og hún er merkt 3G2.5mm2 + 2X0.5mm2, skýring 3G er 3 vírar og einn af þeim er gul/grænn jörð og hinir tveir eru núll og fasi 2.5mm2 er 2,5 kvaðrata vír eins og þarf fyrir 16 Amper og svo eru tveir vírar 0,5 kvaðrat hvor fyrir hitaskynjarann sem er termistor NTC(Negative Temperature Coefficient) sem þýðir að viðnámið lækkar við aukinn hita á klóarpinnunum.
Seinni myndin sýnir viðnámsgildið þegar klóin er í tengli og í lagi engin hitamyndun.
Gott að hafa það í huga að þessi búnaður er ekki í öllum farstöðvum með tveggja pinna klónni og ekki heldur B-gerðar lekastraumsrofa það er hins vegar fyrir hendi í Heiu.

Það hefur sýnt sig margsinnis að tveggja pinna tenglarnir þola ekki meiri straum en 6 Amper í lengri tíma og gamlir og slitnir þola ekki einu sinni svo mikinn straum og væri því strax betra að láta skipta þeim út fyrir nýja CE merkta og 16 Amper. Þessir tveggja pinna tenglar eru líka að brenna þegar tauturrkarar rafmagnsofnar, hitablásarar og jafnvel þvottavélar sem taka bara 9 Amper eru tengdar í þá.

Við hjá hleðslustövar.is bjóðum því upp á að skipta um tveggja pinna klónna og setja bláa þriggja pinna kló á stöðina í staðin þér að kostnaðar lausu en þá þarf rafvirkja til setja bláa tengilinn í staðin fyrir gamla tveggja pinna tengilinn. Þetta eru sömu tenglar og eru oftast notaðir á tjaldstæðum og þar sem álagið er mikið af augljósum ástæðum.

Þessar bláu CEE klær og tenglar fást víða í byggingarvöru verslunum og verkfæralagerum.

Ástæðan fyrir því að þessar 16A hleðslustöðvar koma með tveggja pinna klónni er að þær eru viðurkenndar í Evrópusambandinu og Ísland er með rafmagnsreglugerðina eða staðalinn frá Evrópu og verður þá um leið löglegur búnaður hér á landi.

Það er öryggisatriði að vera með skjá á farhleðslustöðvum og geta séð bæði straum og spennu og þá um leið spennufall og hér er rakið einfalt dæmi um hvernig hægt er að nýta sér það. Á Íslandi er málspennan 230 Volt á milli fasa og núllsins, það getur verið aðeins hærra eða lægra af eðlilegum ástæðum en skoðum núna dæmi hvernig við getur nýtt upplýsingaskjáinn og þegar við setjum farstöðina í samband við tengilinn(innstunguna) frá rafmagnstöflunni þá sýnir farstöðin á skjánum t.d. 230V því það á enn eftir að stinga hulsunni í portið á rafbílnum og nú er bílinn settur í samband og þegar hleðslan er komin í gang getur tekið tvær til þrjár mínútur fyrir hleðslutækið í bílnum að keyra sig upp og þegar það er komið þá er lesið aftur á volt mælinn á stöðinni og ef hann sýnir t.d. 210V eða jafnvel lægra þá er spennufallið full mikið og þá þarf að lækka strauminn með takkanum á stöðinni og eins gott að stöðin bjóði upp á það. Mikið spennufall reynir of mikið á vírana og kaplana.

Ef spennufallið í 2,5q vír og 15 metra langur kapall og 16 Amper er 6,7 Volt, þá er engin hætta og rökstyðjum það, viðnámið í eir vírnum er R = 0,0175 * L / q, sett inn í formúluna R = 0.0175 * 30 / 2,5 er 0,21 óm "viðnámið í vírunum(R)" formúlan fyrir pennufallið í vírunum er ΔU = 2 * I * R sett inn í formúluna ΔU = 2 * 16 * 0,21 er 6,7V og ekkert fasvik.

Fyrir þau sem vilja meiri upplýsingar um þennan hleðslustöðvar heim má nefna fleiri atriði sem tenglar, klær, kaplar og hleðslustöðvar þurfa að þola og það er ekki bara straumurinn(amperin) sem sjást á skjánum á hleðslustöðvunum því það er launaflið og um leið launstraumur í hleðslutækjum bílana það eykur álagið vegna þess að það þarf að breyta riðspennu(AC) í jafnspennu(DC) í hleðslutækinu sem er innbyggt í bílana og þessi búnaður þarf mikið af þéttum og spólum í það verkefni sem veldur fasviki.
Þær mælingar sem ég hef gert á rafbílum sem dæmi ef 16A hleðslustöð sýnir 14,7A hef ég mælt með RMS mæli 15,5A sem er þá fasvik upp á 18 gráður og nú er ég að tala um hornafræði útreikninga sem eru m.a. notaðir í riðstraumsfæði og þessi viðbótar straumur í rásinni er gagnslaus enn reynir meira á allan rafbúnaðinn eins og vör, víra, hleðslustöðvar, klær og tengla.

Þetta er stutt lýsing enn ábending um að það er ekki bara raunstraumur(14,7A) á ferðinni meðan verið er að hlaða rafbíla það bætist við launstraumur líka vegna riðstraums lögmála. Fasvikið getur verið mismunandi eftir framleiðendum á innbyggðu hleðslutækjunum í bílunum og margir bílaframleiðendur nota sömu gerðir af innbyggðu hleðslutækjunum eins og batteríum enda ódýrara að fá þennan staðlaða búnað hjá öðrum verksmiðjum en að framleiða hann sjálfir.